Venezuela: Citgo ta aclara cu ‘negoshi ta sigui’

E compania Mericano propiedad di Pdvsa, Citgo Petroleum Corporation, a traves di un comunicado a duna algun aclaratorio general na su socionan comercial na Merca, debi na e reciente informacion y encuanto e relacion diplomatico entre Estadonan Uni y Venezuela.

Den e comunicado (na Ingles) e empresa ta destaca cu negoshi lo cntinua manera semper y cu 2018 tabata un di e miho añanan financiero pa e empresa, cu balance y likidez ta keda fuerte y no tin plan pa declara bancarrota.

Di igual manera nan ta splica cu e licencia General ta exonera turr e transacion y actividadnan encuanto PDV Holding, Inc., CITGO Holding, Inc., y nan subsidiarionan di e sancionnan, siempre y cuando e actividadnan no involucra directamente Petroleos de Venezuala S.A. Nan ta destaca cu e empresa ta un corporacion di Delaware y cu sus contrapartenan ta protegi pa e licencia general, sin cu ta rekeri un licencia separa o paso special pa ricibi pago.

Tambe nan ta indica cu e pagonan pa e cuenta blokea na cual ta haci referencia ta exclusivamente pa e compra di crudo di Venezuela di PDVSA y no ta afecta pago na Citgo, o pago haci pa Citgo. Tambe nan ta mustra ariba cu e sancionnan nobo no ta afecta e capacidad di e empresa pa cumpli cu e obligacionnan di su socionan comercial segun cu nan ta vence. “Nan mester sa cu aki na Citgo negoshi ta sigui manera semper, nos ta trahando duro,” nan ta bisa finalmente.

“Nos a traha den estrecho colaboracion cu funcionarionan di gobierno pa sigura cu e empresa, su empleadonan y nos valioso socionan comercial ta protegi di cualkier consecuencia di e accionnan diplomatico.”

You May Also Like

A confisca instalacion moneda crypto na Corsou

Despues di un investigacion cual a inicia na Boneiro, husticia di Corsou a confisca ...

Tension na Venezuela: Cantidad ta eleva te na 39 hende fayeci den protesta

  Un hoben a drenta sin signo di bida diaranson atardi na PoliClínica Las ...

Merca ta aproba extradicion di ex-presidente Martinelli

Departamento di Estado di Estadonan Uni a aproba extradicion pa Panama di e ex-presidente ...

Ex-presidente Alvaro Uribe cu yamado na militarnan Venezolano pa baha Nicolas Maduro

Ex-presidente Alvaro Uribe a declara aiamars ultimo cu ehercito di Venezuela “tin e ultimo palabra: of ...

America Latino: Capital di violencia contra hende muhe

(Infobae/ElPais) America Latino ta e capital mundial di asesinato: aunke e ta conta cu ...

Fracaso nobo di oposicion Venezolano despues di huramento di gobernadornan

Cuatro di cinco candidato di oposicion cu a keda eligi pa e posicion di ...