Venezuela: Dos di cuatro upgrader so ta operando

Dos di e cuatro mehoradornan (upgrader) di crudo di Venezuela, necesario pa converti e petroleo extrapisa di e Faha di Orinoco den un producto mas comercial, a keda paralisa ainda, mas di un luna despues di un blackout grandi, segun un documento cu agencia Reuters a haya pa mira diasabra pasa.

E empresa petrolero estatal Pdvsa, sin embargo, a aumenta su produccion di crudo mehora te 313.000 bari dia 2 di mei y te 326.000 bari dia 3 di mei, compara cu e 298.000 bari pa dia na inicio di april.

Di acuerdo cu e documento, e produccion di e dos otro upgradernan y di e empresa mixto Sinovensa, un joint venture cu CNPC di China, loke ta sugeri cu a acerca o surpasa expectativa.

Produccion di crudo di e nacion miembro di OPEC, un elemento vital di su economia, a cay e aña aki a causa di un ola di blackout y e sancionnan Mericano contra Pdvsa. A pesar di e aumento actual, produccion total di e mehoradornan a keda bastante bao di nan capacidad combina di alrededor di 700.000 bari pa dia (bpd).

Un documento di Pdvsa cu Reuters a mira luna pasa tabata mustra cu e compania no tabata anticipa cu e proyectonan lo a aumenta produccion na april.

Un di e empresanan paralisa ta Petromonagas, un joint venture cu Rosneft di Rusia, cu ta para pa trabao di “limpiesa y reparacion”. Tambe ta para actualmente Petro San Felix, propiedad di Pdvsa.

Petrocedeño, un empresa conhunto entre Pdvsa y e compania Frances Total y Equinor, di Noruega, tabata produciendo 71.000 bpd, 99% di su produccion planifica.

Segun e documento, Petropiar, den cual e empresa Mericano Chevron ta participa como socio minoritario, ta produciendo alrededor di 130.000 bari a dia na inicio di mei. Sinovensa tabata produci 117.000 bpd, 88% di loke ta planea.

 

You May Also Like

Pdvsa ta firma acuerdo nobo cu empresa Ruso Rosneft

(EFE/lapatilla.com) – E empresa estatal Venezolano Petroleos de Venezuela (Pdvsa) a firma diasabra pasa ...

Venezuela: Banco Ruso sanciona ta asumi cuenta di Pdvsa

E empresa Russian Financial Corporation Bank (Rusfincorp) lo asumi supuestamente responsabilidad pa e cuentanan ...

Venezuela: 7 morto den protesta desde 30 di april

Observatorio Venezolano di Conflictividad Social (OVCS) a informa diamars pasa cu Javier Rosales, di ...

Colombia: ELN a ataca batayon di Ehercito cu explosivo

Un batayon di Ehercito Colombiano na e departamento di Arauca, frontera cu Venezuela, a ...

Polis militar a lansa gas lacrimogeno contra manifestantenan di oposicion

Dialuna polis tabata purba di controla cu gas lagrimogeno e avance di e Venezolanonan, ...

Caida di turismo na Venezuela ta di 50%

(lapatilla.com) – Ta calcula cu e aña aki e sector turistico lo a cay ...