Venezuela: Encuesta ta indica apoyo grandi pa Guaido

No solamente comunidad internacional ta rechasa Nicolas Maduro como presidente di Venezuela. E propio Venezolanonan, cu desde un siman y mey ta mobilisando den henter e pais, ta exigi e salida di e dictador.

Esaki tambe a keda refleha den e reciente encuesta realisa pa e firma Heron Consultores. Den e encuesta 81,9% di e encuestadonan a reconoce Juan Guaido como presidente interino di Venezuela. Apenas 13,4% a expresa apoyo na e dictador Chavista.

Den e linea ey, 77,6% di esunnan entrevista a sigura cu den eventual eleccion general nan lo vota pa e candidatonan di oposicion. 12,1% so lo haci esaki pa Maduro.

Un abrumador mayoria di e Venezolanonan tambe a aproba e accionnan di Asamblea Nacional y a expresa nan mes na fabor di e realisacion di eleccion presidencial.

Den e contexto aki, 80,2% di e encuestadonan ta contra e Conseho Nacional Electoral (CNE), cu segun nan ta responde na “interesnan politico di Maduro.”

Consulta si nan ta di acuerdo pa Asamblea Nacional, di mayoria opositor, scoge e miembronan nobo di CNE, 65,6% a mustra di ta “muy de acuerdo.”

Di nan parti, 70,4% a aproba e labornan cu e parlamento ta desempeña, e unico organo legitimo reconoci pa gran parti di comunidad internacional.

Secretario general di OEA, Luis Almagro, a comenta riba Twitter e resultadonan di e encuesta. “E Venezolanonan no kier plazo nobo, ni mas ‘dialogo’ cu en realidad ta bla, bla bashi pa gana tempo,” el a bisa. “Nan kier e dictador usurpador afo, nan kier democracia, nan kier vota.”

Guaido y  oposicion a convoca mas manifestacion pa awe. “Nos lo sigui riba caya pa respalda e ultimatum cu Union Europeo a duna Maduro )…) Nos ta determina pa sigui padilanti  pa garantisa e fin di e usurpacion,” e presidente interino a declara diahuebs pasa.

You May Also Like

Honduras ta introduci castigo di 20 aña pa organisa manifestacion di protesta

Congreso di Honduras a aproba recientemente un articulo nobo di e Codigo Penal cu ...

Panama a reduci estadia pa turista di Colombia y Venezuela

Gobierno di Panama a anuncia cu lo reduci di 180 pa 90 dia e ...

Colombia: FARC no ta participa den eleccion presidencial mas

BOGOTA (Fuente: NTN24/ElTiempo) – E partido politico cu a surgi di e antiguo guerrilla ...

Chile: Grupo terorista ta menasa cu atentado nobo

“Personahe ehecutivo grandi, politico, studiante y ciudadano simpel ta den nos mira. E explosion ...

Ciudadano Israeli deteni pa soborno Odebrecht na gobernador Peruano

Un empresario di nacionalidad Israeli, Gil Shavit a ser deteni na Lima – Peru, ...