(ElNacional/NTN24) – Patricia Tappatá, experto Argentino den materia di derecho humano, y miembro di e equipo cu a ehecuta un ‘Fact Finding Mission’ pa Nacionnan Uni na Venezuela encuanto crimen contra humanidad, a declara durante un entrevista cu NTN24, cu tin un plan sistematico di gobierno di Maduro pa silencia oposicion.

Conclusion di e informe, elabora a base di entrevista confidencial cu 246 persona, a traves di conexionnan sigur, tabata cu diferente fuente a confirma cu presidente Nicolas Maduro tabata duna orden directo na e servicionan di inteligencia. E informe lo ser presenta na Conseho di Derecho Humano di Nacionnan Uni, di cual Venezuela ironicamente mes ta miembro.

Nomber di Diosdado Cabello tambe a ser menciona den e informe pasobra “e ta un influencia directo pa dirigi algun persecucion y posterior detencion ilegal haci di parti di Sebin,” Tappata a afirma den entrevista cu periodista Idania Chirinos di NTN24.

Ta existi evidencia cu gobierno di Nicolas Maduro tin un plan sistematico pa silencia oposicion, y Tappata a referi na e tercer informe presenta diamars pasa den cual ta señala cu decenas di persona a sufri tortura y maltrato den centronan di detencion di servicionan di inteligencia Venezolano, y ta señala Maduro y e directornan di e cuerponan di seguridad di estado como principal responsable di crimennan contra humanidad. E informe cu e experto Argentino ta menciona tambe ta indica Diosdado Cabello como autor di orden pa identifica algun di e detenidonan pa Sebin.

“Testimonionan ta atestigua cu e forzanan di seguridad tabata mantene un relacion fluido cu Diosdado Cabello y cu e presidente tabata emiti orden specifico di persigui cierto persona,” e experto a declara den e entrevista cu NTN24. Mas grave ainda ta cu e situacion investiga di 2018, te awe no a mehora y e mesun structuranan di persecucion ta operando ainda. A divulga tambe un lista di e lugarnan clandestino di tortura.

 

LEAVE A REPLY

Please enter your comment!
Please enter your name here