(ElNacional) – ONG Fundaredes a alerta dialuna ultimo cu na e pais ta existi un emergencia ambiental grave cu ta afecta hopi di e parkenan nacional y cu ta pone den riesgo e flora y fauna di e espacionan aki.

“Na Venezuela ta existi un emergencia ambiental grave cu ta afectando directamente hopi di e parkenan nacional, cu ta patrimonio di e pais, lagando den un riesgo inminente e flora y fauna di e espacionan aki, cu mester wordo protegi pa leynan ambiental”, Fundaredes a señala a traves di un comunicado.

E coordinador di Observatorio di Ambiente di e ONG, Elias Caceres, cita den e nota, a bisa cu na e Parke Nacional Morrocoy na estado Falcon, a construi casnan na rand di e rooinan cu e ta cualifica manera construccionnan ilegal den cual ta demostra e pasividad di Estado Venezolano pa cumpli y respeta leynan.

Asina mes el a indica cu na Parke Nacional El Avila, un sero considera e pulmon vegetal di Caracas y conoci oficialmente manera Waraira Repano, ambientalistanan a denuncia destruccionnan indiscrimina y ilegal, di cual e rama- y pidanan di palo ta wordo usa manera palo pa candela pa motibo di e escasez cronico di gas pa cushina.

“Nos ta haci un yamada na e organismonan competente pa actua cu e meta di garantisa e derecho di un ambiente sigur, sano y ecologicamente ekilibra, ademas, di stop e daño cu agentenan externo ta ocasiona na e diferente parke- y monumentonan nacional”, el a agrega.

Dia 5 di juni ultimo, Dia Mundial di Medio Ambiente, activistanan Venezolano a exigi gobierno di Nicolas Maduro pa impedi e destruccion di naturalesa na e pais y pa stop e invasionnan den parkenan natural, manera e construccion di mansionnan.

LEAVE A REPLY

Please enter your comment!
Please enter your name here