(LaPatilla) – Presidente encarga di Venezuela, Juan Guaido a informa cu e ta spera cu proximamente gobierno di Joe Biden por extende e licencia cu ta proteha e refineria Venezolano, Citgo Petroleum Corp di e cobradonan cu cual e dictadura di Maduro a hinca e pais den debe.
Citgo ta den riesgo desde cu na 2020 e dictadura di Maduro a presenta un participacion mayoritario como garantia di su bonus 2020 cu e no a cumpli cune, locual kiermen cu esnan cu tin e bonus lo por busca nan accionnan den Citgo como pago.
No obstante e cobradonan a acepta un acuerdo inconstitucional cu e regimen di Maduro cu no a wordo aproba pa e Parlamento Legitimo manera e Carta Magna Venezolano ta establece. For di e tempo ey e Cas Blanco (White House) a concede derechonan na e gobierno interino pa evita e embargo di e estatal Venezolano.
“Ta importante pa e licencia extende pa un aña mas”, Guaido a bisa y el a agrega cu combersacionnan cu e cobradonan semper tabata un posibilidad. E mandatario nacional a aclara cu nan no ta enemigo di e cobradonan ni di e petroleranan.
Di otro banda e hefe di estado a destaca e importancia di unidad di tur e Venezolanonan pa derota e dictador Nicolas Maduro na 2024 a traves di un solo candidato.
