Venezuelan opposition leader Juan Guaido, who many nations have recognised as the country's rightful interim ruler, attends rally in Barquisimeto, Venezuela May 25, 2019. REUTERS/Jesus Hernandez NO RESALES. NO ARCHIVES

E presidente interino di Venezuela, Juan Guaido, a duna declaracion pa contradeci duda cu a lanta encuanto e invitacion di gobierno di Noruega pa negociacion cu regimen di Nicolas Maduro, pa cual el a pidi e Venezolanonan pa “no laga maniobra di e dictadura confundi” nan.

“Tur opcion t’ey pa keda ehecuta,” e presidente di Asamblea Nacional a bisa den un acto publico na avenida Bracamonte, na Barquisimeto.

El a agrega tambe cu, “ban ta cla, cu ora nos bisa cu nos tin e cartanan riba mesa, no ta pasobra nos ta inventando ni improvisando.”

“Laga nos no bay bruha pa e discurso di e regimen, laga nan bisa loke nan kier bisa; e gran diferencia cu e añanan anterior ta cu awor nos tin tur herment y forsa, y cu nos ta bay laga ningun di nan bay,” Guaido a añadi.

E presidente interino tabatin un mensahe fuerte pa e forsanan arma, si nan ta continua cu nan apoyo pa Nicolas Maduro.

“Comunidad internacional ta cu nos, e invitacion di Noruega ta bin hunto cu e esfuersonan di e Grupo di Lima, Estadonan Uni, Grupo di Contacto, pa e forsanan arma mira, si nan kier paga ‘los platos rotos’ pa un dictador,“ el a vocifera.

“E regimen ta secuestra e armanan di e Republica, señores di Forsanan Arma, boso lo hundi boso mes hunto cu e dictador, nos a haci tur cos: proteccion di activo, presion diplomatico,” el a expresa.