Efectivonan di Guardia Nacional Bolivariano (GNB) a blokea paso di e caravana di diputadonan di Asamblea Nacional (AN), cu tabata rumbo pa estado Tachira cu e proposito di ricibi ayudo humanitario na Cucuta, ciudad na frontera entre Colombia y Venezuela.
Riba e autopista regional di centro, na altura di e tunnel La Cabrera, Guardia Nacional a obstaculisa paso cu vehiculo di carga pisa. Sin embargo, e parlamentarionan a logra pasa e obstaculonan di e regimen Chavista.
Segun informacion di e diputadonanm tabatin algun momento di gran tension, hasta tabatin algun lucha fisico entre parlamentario Arnoldo Benites y miembronan di Guardia Nacional.
E supuesto militarnan di Guardia Nacional, cu no tabatin identificacion, a agredi e agredi e parlamentarionan y incluso a purba baha tire di e trucknan pa impedi cu nan por a sigui. Di otro fuente a bin informacion cu algun truck mester a keda tras pa e motibo aki, pero e otronan por a sigui.
