Venezuela: Maduro a acusa Guaido y Trump di a horta 1.300 miyon di Citgo

Presidente de facto Nicolas Maduro a acusa diamars pasa Asamblea Nacional y gobierno di Donald Trump di a horta 1.300 miyon dollar di Citgo, e filial di Pdvsa na Merca.

“Gobierno di Merca a apropia ilegalmente di Citgo y nan ta endeudando esaki cu 1.300 miyon dollar, cu complicidad di Asamblea Nacional (controla pa oposicion),” Maduro a bisa na palacio presidencial Miraflores na Caracas.

El a sigura cu al menos 10 % di e placa ey “ ta yega na saco di e diputadonan ladron di Asamblea Nacional.”

“Ta un crimen loke nan ta haciendo cu Citgo, nan ta haciendo negoshi 1.300 miyon dollar nan ta hortando awe, na e ora aki, cu complicidad di gobierno di Merca,” el a reitera.

Na januari, algun dia despues cu e lider opositor Venezolano Juan Guaido a huramenta como presidente interino, logrando reconocimento di Washington, Estadonan Uni a impone sancion riba Psvsa cu tabata inclui e blokeo di e fondonan di Citgo, cu e obhetivo pa traspasa nan despues eventualmente na un gobierno nobo.

Ademas, Guaido, presidente di parlamento Venezolano, a tuma control di Citgo cu apoyo di Washington y a designa un directiva alternativo presidi pa Luisa Palacios.

Maduro a reitera cu e accionnan ey ta “ilegal.” “Asina nos lo demostra ora nos bay gana e huicionan na Merca y cu nan mester debolbe nos e empresa Citgo, propiedad di estado Venezolano,” Maduro a adverti.

 

You May Also Like

Hacker a tumba webpage di gobierno y haci yamado pa protesta

Pagina di internet di varios organismo publico na Venezuela a ser ataca dialuna mainta, ...

Fanatico a muri na Argentina despues di ser lansa di un tribuna

Dialuna un aficionado di ekipo di Belgrano di Cordoba a muri, despues cu otro ...

Yobida sin fin na gran parti di Colombia

Na Colombia, te awor ta recorda december 2010 como e ‘invierno’ (temporada di  yobida) mas ...

Venezuela: Guaido ta confirma 5 mil protesta den henter pais

Presidente interino Juan Guaido a manifesta ayera cu tabatin mas di 5.000 protesta cortico, ...

Dos morto den concierto di rock na Argentina

Dos homber a muri y un muhe ta den unidad di cuido intensivo despues di ...

Debate tocante bira di 51 estado Mericano birando fuerte

Ora cu gobernador Ricardo Rosselló Nevares a nombra siman pasa cuatro di e shete ...