El presidente venezolano Nicolás Maduro habla en una conferencia de prensa conjunta con su homólogo iraní Ebrahim Raisi el sábado 11 de junio de 2022, en el Palacio Saadabad de Teherán, Irán. (AP Foto/Vahid Salemi)

(LaPatilla/EFE) – Hefe di gobierno Chavista Nicolas Maduro a afirma diarazon pasa cu Venezuela a gana, asina leu e aña aki, aproximadamente 3.500 miyon dollar cu exportacion di petroleo.

“E aña aki, como ingreso di petroleo, apenas nos ta obteniendo 3.500 miyon (dollar) aproximadamente, e no ta yega na 10 % di loke tabata e ingreso petrolero normal di e pais, durante 100 aña nos tabatin un ingreso creciente,” e mandatario Chavista a bisa den un acto televisa.

Maduro a sigura cu e pais tabatin ingreso di exportacion di petroleo di 56.000 miyon dollar anual, pero cu e “sancionnan criminal” imponi pa Estadonan Uni, e beneficio ey a reduci te 700 miyon dollar, sin duna un fecha exacto pa e cifra ey. E informe di e Organizacion di Pais Exportador di Petroleo (OPEC) difundi dialuna pasa ta bisa cu produccion petrolero Venezolano a aumenta 51.000 bari pa dia (bpd) na october, cu cual e lo a yega na 717.000 bpd, 7,6 % mas cu e 666.000 bpd di september.

Cu e datonan aki, Venezuela ta sigui leu di e meta fiha pa Maduro di produci 2 miyon bari pa dia na fin di 2022, pa cual lo mester aumenta produccion cu 178 % den menos di dos luna. E pais tabata produci 3,2 miyon bpd na 1997, tempo cu Chavismo no tabata na poder ainda, y a keda riba 2 miyon bpd den e 20 añanan despues. E caida a cuminza cu gobierno di Maduro.

Nota di redaccion: Na 2012 entrada di exportacion di Venezuela tabata na casi US$ 100.000 miyon, di cual mas di 90% tabata procedente di petroleo. Na 2019 ainda, segun tradingeconomics.com, Venezuela tabatin algo mas di US$ 8.000 miyon di exportacion di petroleo.

 

LEAVE A REPLY

Please enter your comment!
Please enter your name here