(ElNacional) – Iran y e gobierno di Maduro a anuncia dialuna cu nan ta finalisa un plan di cooperacion strategico di 20 aña, durante un bishita di e Ministerr di Exterior, Felix Plasencia, na Teheran. 

Nos ta papiando di un plan di 20 aña, cu lo por ta cu tur seguridad un instrumento decisivo pa construi e relacion profundo cu nos pais- y pueblonan mester”, Plasencia a bisa durante un rueda di prensa hunto cu su colega Irani, Hosein Amir Abdolahian.

E politico a afirma cu e proyecto aki di “aliansa strategico profundo” lo por wordo firma prome cu e aña caba na e capital di Iran.

Abdolahian, di su parti, a afirma cu Nicolas Maduro lo bishita Teheran pa atende e firmamento di e acuerdo.

Tur esaki ta un confirmacion cu e relacion entre e dos paisnan ta den e caminda di crecemento”, Abdolahian a sigura.

E dos ministernan no a ofrece, sinembargo, mas informacion tocante e futuro acuerdo di cooperacion strategico.

Plasencia a yega dialuna Teheran pa su prome bishita oficial unda cu el a wordo ricibi pa e president nobo di Iran, Ebrahim Raisi, y a cualifica e pais manera “un aliado strategico cercano y importante pa e pueblo Venezolano”

E minister a bolbe ataca Merca pa e extradicion di e empresario Colombiano Alex Saab, cu ta wordo defendi manera un diplomatico pa e gobierno chavista, pa supuesto labamento di placa.

Plasencia a cualifica e accion ey manera “un secuestro”, un “violacion di e derechonan y soberania di Venezuela”, y un bet pa ofende e pueblo Venezolano.

Abdohalian a mustra su apoyo pa su colega Latino Americano den e cuestion aki.

Nos ta considera e reciente detencion di un diplomatico Venezolano na Cabo Verde y su extradicion pa Merca manera un acto di pirateria y un atake contra e soberania Venezolano”, e diplomatico Irani a afirma.

 

LEAVE A REPLY

Please enter your comment!
Please enter your name here