(ElNacional) – Mayornan di e studiantenan di e Centro di Educacion Inicial Bolivariano Sierra Imataca na e municipio Casacoima di estado Delta Amacuro, a denuncia e deterioro di infrastructura di e scol.

Nan a señala cu tres klas no tin dak y cu nan yiunan ta sigui ricibi les na e scol a pesar di e condicionnan di e institucion, cual ta presenta un deterioro progresivo desde cuater aña pasa, segun Radio Fe y Alegria Noticias a indica.

E representantenan di 250 mucha a splica cu e dak di e scol tabata completo, pero pa falta di mantencion el a deteriora. Nan a indica cu e dak a wordo cambia pa laminanan di zink, material cu a wordo gestiona a traves di e alcaldia di e municipio Casacoima, pero e cantidad no tabata suficiente, pues apenas nan a logra incorpora 30 lamina.

“Unico cos cu a wordo ricibi ta 30 lamina y esey no a yega pa pone dak na full e infrastructura”, un di e representantenan a bisa.

Debi na e situacion aki, e docente- y representantenan a opta pa dividi e muchanan den dos grupo y duna les tres biaha pa siman. “E prome grupo ta bay scol tres dia e prome siman mientras cu e otro grupo ta bay scol e siguiente siman”, e representante a splica.

Otro representante ademas a lamenta cu ningun otro funcionario a ofrece algun solucion pa e problema aki.

“Aki a yega di bin e presidentenan di e empresa CVG Alcasa, esun di mineria, Sifor y otro personanan di Ciudad Guayana, pero nada, di eynan e no ta pasa”, el a afirma.

LEAVE A REPLY

Please enter your comment!
Please enter your name here