(LaPatilla) – E sindicato di Venezuela Monitor Salud a exigi diadomingo cu e vacunanan di refuerso  contra COVID-19 yega na tur e centronan sanitario di e pais y a sigura cu solamente 73% di e hospitalnan a ricibi e tercer dosis pa vacuna nan personal. 

“Nos ta exigi cu e vacunanan di refuerso  yega na tur nos centronan di salud. Nos ta sigui registra falta di material di proteccion ariba di 90% cual ta pone den riesgo e trahadonan”, Mauro Zambrano, dirigente di e organisacion aki cu ta agrupa un cantidad grandi di empleadonan di e sector, a bisa ariba su cuenta di Twitter.

E solicitud a wordo haci despues cu dia 3 di januari a cuminsa formalmente na e pais e fase di vacunacion di refuerso cu cual lo completa e programa di vacunacion, na prome  instancia, na e trahadonan sanitario.

Segun e informacion ofreci siman pasa pa e Minister di Salud, Carlos Alvarado, e pais ta conta cu tur e dosisnan necesario y e promennan pa ricibi e vacuna lo ta e dokter- y nursenan den contacto directo cu pashentnan di COVID-19, y despues, e resto di e trahadonan di salud, incluyendo paramediconan y bomberonan.

Sinembargo, Monitor Salud a informa den un nota di prensa publica pa Zambrano cu segun e estudio realiza na 63 centro sanitario di 21 estado di e pais, plus Caracas, solamente 46 hospital a bisa cu nan a ricibi e dosis di refuerso y na 26% di esaki no solamente nan tabata vacuna e personal sanitario, pero nan tabata dunando espacio pa e poblacion general tambe.

Den e sentido aki, e sindicato a recorda e necesidad di proteha y considera prioridad na e personal di salud, pasobra nan ta esunnan cu ta expone nan mes diariamente na e pandemia.

 

LEAVE A REPLY

Please enter your comment!
Please enter your name here