(LaPatilla/Bloomberg) – Mientras sancion Mericano ta impedi importacion di nafta, un producto importante pa produccion di crudo y pa refinacion, empresa estatal Pdvsa ta trata di fabrica su propio nafta den e ‘upgrader’nan (mehorador) diseña pa procesa crudo ultrapisa den crudo mas liviano pa mercado internacional, segun documento cu Bloomberg a mira y personanan cu conocimento di e plan.
E personanan a pidi pa keda anonimo pasobra e informacion no ta publico. E plantanan ta Petropiar, joint venture cu Chevron Corp. y e empresa Petrocedeño, joint venture cu Total SE y Equinor ASA.
E escasez agudo di combustible na Venezuela a obliga ciere di fabrica y empresa, mientras cu e automobilista ta pasa oranan largo den fila pa por cumpra gasolin o diesel. E conversion di e mehoradornan di crudo di e era di Hugo Chavez ta marca otro cambio dramatico di un epoca unda e nacion fundador di OPEC tabata un importante exportador di petroleo, awor reduci na un di nacionnan mas pober di e hemisferio, bao regimen di Nicolas Maduro.
E obranan na e plantanan Petropiar y Petrocedeño, cu ta elimina azufre y otro impureza di e crudo pisa y yen di lodo di Faha di Orinoco, aa cuminza na april, segun e fuentenan.
No tin claridad ta con Pdvsa ta haci ie revision sin ayudo di e socionan stranhero o contratista internacional, cu ya no por haci negoshi cu Pdvsa y cu ademas tin problema grandi di liquidez. E empresa tabata lucha incluso pa realiza mantenimento basico den su plantanan, cu tin falta di pieza cu nan no por importa.
Pdvsa, Chevron y Total no a responde di inmediato riba solicitud pa comentario. Un representante di Equinor a remiti cualkier consulta pa Pdvsa.
E refinerianan tabata produci nan propio nafta pero debi na equipo daña esey no por mas. E mehoradornan tabata por a recupera caba parti di e nafta cu ta inyecta den e posnan pa facilita extraccion di e crudo pisa.
