Venezuela: Prome cargamento di ayudo humanitario a yega

E prome cargamento di ayudo humanitario pa Venezuela a yega ayera na Aeropuerto Internacional Simon Bolivar di Maiquetia. 

E ayudo, cu ta coordina pa Comite Internacional di Cruz Cora, y ta bin di e organisacion aki na Panama, lo ser distribui na 28 hospital di e pais y na 8 centro di atencion primario.

E Comite di Cruz Cora a indica cu e ayudo lo ser hiba pa henter e pais pa e situacion grave cu e Venezolanonan ta enfrenta.

E autoridadnan encarga cu maneha e ayudo a indica cu ademas di medicina, e cargamento ta contene generatornan di electricidad.

Esaki no ta trata di e ayudo humanitario cu gobierno di Merca y otronan a recolecta na Cucuta, Colombia, na frontera cu Brasil (estado Roraima) y na Curaçao, cu te na e momento aki no por drenta Venezuela pasobra presidente de facto Nicolas Maduro no ta permiti esey.

E senador Mericano Marco Rubio, a sigura ayera cu e yegada di e ayudo humanitario ta e resultado di e campaña di presion di presidente encarga Juan Guaido y di Asamblea Nacional, referiendo na e yegada di e cargamento di ayudo treci pa Federacion Internacional di Cruz Cora.

El a añadi cu durante varios aña y te algun dia pasa e regimen di Maduro tabata nenga di acepta cu e situacion na Venezuela ta di un crisis humanitario.

 

You May Also Like

Oposicion y chavismo a tuma caya den tension halto na Venezuela

Diahuebs hende cu ta apoya y cu ta rechasa  presidente di Venezuela, Nicolas Maduro, ...

Brasil: Mas acusacion contra presidente Temer pa corupcion

E magistrado Edson Fachin, instructor di e investigacion di iregularidadnan en torno e caso ...

Venezuela: General Chavista ta bandona Maduro

E general di division Ramon Rangel, cu a participa den e intento di golpi di ...

Papa Francisco na Colombia: Agenda di su prome dia na Bogota

E prome bishita di un papa den 31 aña na Colombia a bin na ...

Señora di 61 aña tira mata durante votamento na Venezuela

Miles di Venezolano a subi caya diadomingo na Venezuela, conhuntamente cu otro comunidadnan Venezolano ...

Peru: Mas di 180.000 inmigrante Venezolano den 4 luna di 2018

Venezuela ya ta considera pa algun ONG como un estado ausente, mas cu un ...