(LaPatilla/Reuters) – Venezolanonan cu a huy bay Colombia recientemente pa scapa di e enfrentamento entre ehercito Venezolano y gruponan arma iregular, ta acusa e militarnan di abuso y agresion, incluso morto di varios civil y robo di nan pertenencia.

Centenares di Venezolano ta sigui yega na Colombia haciendo e crisis humanitario mas grave ainda den e alberguenan improvisa. E movimento masivo di hende a cuminza diadomingo siman pasa, despues cu efectivonan militar Venezolano a lanza un ofensiva contra gruponan arma ilageal na municipio La Victoria, estado Apure, cerca di e ciudad Colombiano Arauquita.

“Nan a invadi nos cas y a kita tur cos di nos. Eseynan ora nan a yega, nan a kibra tur cos, nan a drenta y a bay cu tur cos cu tabatin den cas, y den e tayer,” Jose Castillo tabata conta Reuters, un mecanico di 49 aña di edad, cu a yega cu su esposa embaraza y un yiu muher di 12 aña.

“Kico mas mi mester a haci! Keda? Mi no por a keda pasobra nan ta mata bo. Nan a mata algun bisiña, nan a bisti nan uniform militar y laga nan pasa pa guerrillero,” el a conta den e albergue.

Reuters no tabata por a verifica di forma independiente e denuncianan di Castillo ni di otro persona desplaza Venezolano, cu a mustra potret riba nan celular di persona morto cu tabatin uniform di camuflahe bisti y tabatin arma banda di nan. E victimanan segun nan tabata bisiña di La Victoria y vecindario, segun e testigonan.

E regimen Chavista a reporta solamente morto di dos militar, un lider guerrillero y captura di 32 persona siman pasa. Ministerio Publico di e dictadura a anuncia designacion di dos fiscal di proteccion di derecho humano pa investiga e sucedido y a bisa cu si mester haya evidencia, nan lo investiga y sanciona e responsablenan. Alrededor di 4.000 persona ta forma e poblacion desplaza, segun secretario di gobierno di Arauquita, Juan Carlos Agudelo.

LEAVE A REPLY

Please enter your comment!
Please enter your name here