(ElNacional) – E ONG Fundaredes a alerta diahuebs cu renuncia di docentenan di scolnan publico di e pais a alcansa un 50% di e staf y personal di profesornan y cu e causanan principal ta e politicanan educativo eroneo y e decadencia den e derechonan den e contractnan cu nan mester percibi.
“E huida escolar y e renuncia di profesornan cu ya caba ta yega un 50%, y cu a toca mayoria di e scolnan ariba nivel municipal, regional y nacional, situacion den cual ta keda den evidencia solamente e pasividad di un Estado cu no ta garantisa e formacion na un pais”, coordinador di Observatorio di Educacion di Fundaredes, Mackler Garcia, a detaya.
Den un comunicado di prensa, e organisacion a destaca cu e cifra aki ta resultado di e monitoreo diario y permanente cu e observatorio ta haci na henter e pais y cu cual nan a determina tambe cu pa e final di aña escolar 2020-2021, a keda demostra cu mas di 20% di studiantenan a bandona scol.
E ONG a sigura cu el a logra detecta violacionnan constante contra derechonan humano den e sistema di educacion y a sigura cu no ta existi interes di parti di Estado pa e area aki.
Den e sentido aki, Garcia a insisti cu entre e causanan di e situacion cu nan ta registra tin promesanan cu no a wordo cumpli, e falta di compromiso y e falta di interes cu e Estado a demostra for di varios aña caba, salarionan pober cu no ta cubri e necesidadnan basico, falta di respet di nan derechonan como ciudadano y docente, entre otro.
