Venezuela: Rusia no ta bay risca crisis cu Merca pa Maduro

E presidente Ruso, Vladimir Putin, a nenga ayera cu e situacion actual entre Rusia y Estadonan Uni ta comparable cu e “crisis di Caribe” cu a pone mundo al borde di un conflicto nuclear durante e epoca di Guera Friu.

“Nos tin reclamo mutuo, enfoke diferente encuanto e solucion di diferente problema, pero nan no ta motibo pa hiba e asunto na un confrontacion di e mesun nivel di e crisis di Caribe di añanan sesenta di siglo pasa,” Putin a bisa prensa.

E lider Ruso a sigura cu su pais no ta busca confrontacion, y “si aya (na Merca) tin hende cu kier esey, ya mi a bisa awe loke ta bay pasa.”

El a referi na su palabranan pronuncia durante e discurso tocante e estado di nacion dilanti ambos camara di parlamento Ruso den cual el a adverti Merca cu Rusia lo orienta su misilnan riba teritorio Mericano si Washington pone su misilnan na Europa.

Na mesun momento, a pesar di e tensionnan entre Moscu y Wahington, ambos pais ta continua manteniendo contacto regular, segun Putin.

“En general, pa loke ta toca e tema militar, e contactonan no ta malo, ta mantene nan na nivel di trabao, tin asunto pa resolve y e specialistanan ta traha den esey,” e lider Ruso a bisa, ken a menciona como ehemplo e coordinacion entre forsanan Ruso y Mericano na Siria.

Den e sentido ey, e ta confia cu lo usa e mecanismo y instrumentonan di cooperacion existente tambe pa preveni crisis nobo manera esun di Caribe, tempo cu Union Sovietico a pone misil nuclear capaz di alcansa Washington na Cuba.

E fracaso di e tratado INF di eliminacion di misil di corto y medio alcance, na cual tanto Rusia como Merca a renuncia recientemente, a spierta e fantasma di un Guera Friu nobo entre ambos pais, ya cu expertonan ta considera e pacto ey como un di e pilarnan di seguridad strategico global.

 

You May Also Like

Colombia: autoridadnan hudicial ta inicia investigacion den caso di naufragio Guatapé

COLOMBIA (ElTiempo).- Procuraduria General di Nacion a inicia un investigacion preliminar den e caso ...

VENEZUELA: Den rumbo di Grecia buscando placa

Den loke ta parce hopi con Grecia tabata actua prome cu nan a cay ...

Colombia yegando na 50 miyon habitante na 2018

Colombia ta cerca di yega na e cifra di 50 miyon habitante, segun e ...

Mas di mil aresto den demostracion contra gobierno

E organisacion Foro Penal na Venezuela a confirma cu nan a registra desde 4 ...

Turista a muri na un favela di Rio di Janeiro pa tiro di polis

Dialuna un muhe di Spaña a muri  despues cu polis di Rio di Janeiro ...

Lenin Moreno declara presidente “electo” di Ecuador

Diamars Conseho Nacional Electoral di Ecuador a declara Lenin Moreno presidente electo di Ecuador. ...