(AFP) – Al menos 80 prisonero politico a keda libera diadomingo na Venezuela, unda detenidonan ta siendo libera poco poco bao presion di merca, segun organisacion no-gubernamental Foro Penal a bisa.
Director di e grupo, Alfredo Romero a bisa riba X cu e NGO tabata verificando e identidad di esnan libera na prisonnan na henter e nacion, agregando cu ta “probable cu mas liberacion ta bay tuma lugar.”
Abogado di Foro Penal, Gonzalo Himiob a bisa cu e liberacionnan a tuma lugar den oranan trempan. “E cifra ainda no ta definitivo y por aumenta mientras nos ta procede cu verificacion,” el a bisa riba X.
Lider interino di gobierno di Venezuela, Delcy Rodriguez, kende a asumi poder na momento cu Nicolas Maduro a keda captura pa forsanan special Mericano e luna aki, a priminti di libera un “cantidad grandi” di e centenares di oponente di Maduro cu ta decayendo den prison.
Autoridadnan na Caracas a bisa cu nan a libera 262 detenido desde december, pero Foro Penal a registra apenas mita di e liberacionan den e periodo di tempo en cuestion.
Oposicion Venezolano y gruponan di derecho humano a critica e desaroyo slow di e proceso. Sernan keri di e detenidonan ta campando pafo di e prisonnan wardando pa nan liberacion.
