E diputado na Asamblea Nacional pa estado Merida, Williams Davila Barrios, a denuncia ayera e estado grave den cual e telefericonan principal di e pais ta actualmente, cu ta e Waraira Repano, na Caracas; y e teleferico di Merida. El a anuncia di lo haci un solicitud na Asamblea pa cuminsa un investigacion pa esclarece unda a inverti e recursonan cu tabata destina na mantenimento di e dos sistemanan di transporte aki.

“A gasta 200 miyon dollar na e teleferico di Merida y e ta bayendo perdi, di manera cu mi lo propone Asamblea Nacional pa habri un investigacion prome cu sucede un tragedia cu e telefericonan di Venezuela. Asamblea Nacional mester pone e responsabilidad claramente cerca e regimen aki cu ta mustra un biaha mas e necesidad di salida di Nicolas Maduro pasobra no tin un servicio publico, no tin un actividad cu ta bon manteni pasobra simplemente nan a horta e placa,” e diputado pa partido Accion Democratica a expresa.

El a conta cu e problema ta e falta di piesa y di personal capacita, debi na e migracion di Venezolano, entre nan tambe personal experimenta di e sistemanan di teleferico.

“No tin piesa pa haci mantenimento, ni preventivo ni corectivo. (…) Ademas e grave problema di e tecniconan cu ya a bay di Venezuela y ta trahando na Bogota o na Bariloche,” segun Davila.

Di e telefericonan di e epoca di Chavez, tanto esun di Mariches com do San Agustin, na Caracas, ta funciona parcialmente debi na falta di matenimento.

 

LEAVE A REPLY

Please enter your comment!
Please enter your name here