(LaPatilla) – Tribunal Supremo di Husticia (TSJ) a rechasa otro dos recurso di nulidad contra e instructivo di e Oficina Nacional di Presupuesto (Onapre), y a impone un multa contra e Universidad de Los Andes (ULA) y e rectornan di Universidad Central de Venezuela, Cecilia Arocha; Universidad de Carabobo, Jessy Divo; Universidad de Oriente, Milena Bravo; Universidad Nacional Experimental Politécnica Antonio José de Sucre (UNEXPO) Rita Elena Añez; y Universidad Pedagógica Experimental Libertador (UPEL).

E Sala Politico Administrativo a publica diasabra ultimo dos sentencia, cu ponencianan di e magistrado chavista Malaquias Gil Rodriguez, den cual a declara inadmisibel e dos demanda presenta pa e universidadnan Venezolano den luna di juli.

Den e decision, e magistrado a impone un multa “na cada un di e accionantenan y su representantenan den e presente asunto, pa cincuenta (50) biaha e tipo di cambio oficial di e moneda di mayor balor, estableci pa e Banco Central di Venezuela”.

Di e forma aki, TSJ a rechasa tres demanda – esun presenta pa e trahadornan pensionado di Ministerio Publico, ken nan a menasa cu habri un investigacion penal contra nan, y a impone un multa pa “ehercicio abusivo di un accion hudicial”, y e universidadnan.