Un hues federal di Hawai a blokea temporalmente e di tres veto migratorio cu presidente di Merca Donald Trump a presenta par di dia pasa, y cu mester a bira vigente diaranson, pero e decision aki a no a elimina e medida cu ta afecta Venezuela.
E veto nobo cu a ser presenta dia 24 di september ta evita cu ciudadano di Iran, Libia, Siria, Yemen, Somalia, Chad y Corea di Norte por drenta Merca pa un tempo indefini. E medida ta menciona tambe prohibicion pa funcionario di Venezuela por drenta Merca, pero e parti aki no a ser elimina pa e hues.
Segun e hues “e veto decreta pa Trump ta discrimina nacionalidad.”
E polemico medida di e presidente “ta padece di e mesun problemanan cu esun anterior: e ta carece di suficiente base, manteniendoo e posicion cu e entrada di mas di 150 miyon di ciudadano di e seis paisnan specifica lo ta perhudica Merca,” e magistrado Derrick Watson, di Honolulu a splica.
Sarah Sanders, vocero di Cas Blanco a critica e “orden di e hues, cu ta daña tur esfuerso di presidente Trump pa duna seguridad na pueblo Mericano.”
“Departamento di husticia lo defende e medida legal di e presidente,” Sanders a sigura den un comunicado, y cu “e sistema hudicial lo apoya e veto migratorio.”
Den e caso di Venezuela, e prohibicion ta contra algun funcionario y nan famia.
