Home Regional Vice-presidente Mericano ta bishita shelter pa refugiadonan Venezolano

Vice-presidente Mericano ta bishita shelter pa refugiadonan Venezolano

215
Vice-presidente Mike Pence – potret: AP

E vice-presidente di Merca Mike Pence, a bishita ayera un shelter pa refugiado di Venezuela na e ciudad Brasileño Manaus, unda el a declara cu e exodo masal cu e nacion aki ta sufri ta pa e dictadura brutal cu ta goberna.

“E regimen di Nicolas Maduro, e dictadura brutal ey, a debilita economia y e costo di su crimennan no por calcula na cifra, pero un di su consecuencia ta e mas di dos miyon di persona cu a ser obliga pa huy di nan pais, e Vice-presidente a declara.
Pence, cu diamars a reuni cu presidente Michel Temer na Brasilia, a anuncia e entrega di otro 10 miyon dollar pa e acogida di Venezolanonan na Brasil (Merca anteriormente ya a aporta mas di 10 miyon).

Autoridadnan di Manaus “a responde rapidamente, di manera rapido y coordina, riba e necesidadnan di e Venezolanonan”, e vocero di e agencia Alto Comisionado pa Refugiado di Organisacion di Nacionnan Uni (ONU) na Brasil, Luiz Fernando Godinho, a elogia e autoridadnan local.

Mas di 32.000 Venezolano a pidi refugio na Brasil y otro miles a residencia temporalmente den e ultimo 3 añanan, aunke e cantidad a aumenta segun cu e crisis social, economico y politico ta intensifica na e pais bisiña.

(fuente: NTN24/EFE)