(NLTimes) – Dos residente di un shelter di asilo na Volendam a ricibi tiro di un scopet di paintball for di un auto pasando diadomingo segun AD a reporta diamars. Aunke ningun di nan dos a keda herida, un di nan a otorga un keho. Un video di e incidente cu texto “tirando refugiadonan” a cuminsa circula riba rednan social.
E video ta mustra con un homber den stoel di pasahero tabata los tiro riba e dos personanan usando loke ta yama un Gel Blaster, un scopet di paintball cu ta tira bala di gel chikito. Tabatin otro dos hende homber den e auto.
Central Agency for the Reception of Asylum Seekers (COA) a identifica e victimanan como dos hende homber adulto for di un centro di asilo. “Nos no sa ken a haci esaki. Pero si resulta cu tabata residentenan local, esaki ta specialmente lamentabel y sorprendente,” vocero di COA a bisa na AD. “Nos ta altanto cu tin critica tocante e shelter, pero no en general, e habitantenan ta positivo y ta expresa sosten pa nos residentenan.”
Un localidad temporario pa solicitantenan di asilo a keda habri na Van der Valk Hotel na Volendam, acomodando mas o menos 160 residente. NH Nieuws a nota siman pasa cu tabatin critica entre e residentenan prome cu e shelter su apertura.
Reaccionando na e incidente, un vocero di Edam-Volendam a condena e video como “cobarde y castigabel,” notando e intencion maligno cu ta evidente for di e texto y e video. “Nos no sa ainda ken e personanan aki ta, pero nos ta asumi cu tur hende den nos municipalidad lo distancia nan mes for di esaki.”
Polis anteriormente a anuncia cu nan ta investigando e caso. Polis kier pa e personanan responsabel entrega nan mes, pa asina “por lo menos por tin un combersacion serio” cu nan, segun NH Nieuws. “Si nan tin e curashi, nan lo reporta na nos.”
