(AP) – Un demostracion derechista na Hulanda a explota den violencia y caos diasabra, mientras e manifestantenan a enfrenta contra polis y a vandalisa e oficina di un partido politico, apenas algun siman prome cu e pais tene su eleccion general.
Polis a usa gas lagrimogeno y cañon di awa pa dispersa e manifestantenan kende a tira obheto riba agentenan y a kima un auto di polis. No tabatin informacion inmediato tocante herido of aresto. Medionan Hulandes a mustra manifestantenan tambe atacando e oficina di partido iskierdista, D66.
“Basura. Boso tene boso mannan leu di partidonan politico,” lider di D66, Rob Jetten a bisa den un mensahe riba X. “Si boso ta kere boso por intimida nos, ‘dikke vette pech’. Nos no ta bay laga agitadornan bay cu nos bunita pais.”
Un grupo mas chikito di manifestante a bay compleho parlamentario Hulandes, cual actualmente ta cera mientras e ta pasa den un renobacion cu ta bay dura varios aña. Polis a preveni nan di drenta e area en gran parti bashi.
E violencia a explota na un demostracion atendi pa centenares di persona, hopi di nan bisti na preto y xu bandera, exigiendo politicanan di asilo mas pisa.
“Imagennan impactante y straño di violencia bergonsoso na Den Haag, despues cu un demostracion a bay fo’i man,” prome minister encarga, Dick Schoof a skirbi riba X. El a yama e atakenan contra polis y oficina di D66 “completamente inaceptable” y a expresa confiansa cu polis y fiscal lo trece e manifestantenan na husticia.
E disturbio ta yega simannan prome cu un eleccion general dia 29 di october cu a ser convoca despues cu legislador Geert Wilders a retira su partido di e coalicion gobernante, den un disputa tocante movidanan pa controla migracion. Den un declaracion, Wilders a critica e manifestantenan pa blokea un caminda y ataca polis, yamando nan “idiota” y “basura.”
