Virgin Galactic a bisa riba diahuebs cu e ta spera lansa su prome vuelo di prueba tripula den espacio desde New Mexico e luna aki

E nave espacial di e compania, VSS Unity, a realisa 2 vuelo espacial di prueba anterior desde Majovae, California, prome di muda su instalacionnan den Spaceport America den New Mexico. E pruebanan eynan ta inclui vuelonan aereo sin motor y awo e vuelo espacial plania entre 19 y 23 di november.

E porta espacial lo ta e base di Virgin Galactic pa e lansamento di pasaheronan den biahenan breve ariba di e tera, cuminsando cu e multi miyonario fundado Richard Branson e proximo aña. E empresa no a anuncia un fecha specifico pa e evento ey. Unity ta diseña pa wordo transporta bou un portado di un avion espacial y lansa den gran altitud, unda e motor cohete ta wordo cendi.

E vuelonan surborbital ta diseña pa manda e nave na un altitud di al menos 50 miya (80 kilometer ) prome cu e descende y planea pa aterisa riba un pista. Ademas di e pasaheronan, Unity por hiba a cabo experimentonan cientifico chikito y lo haci’e den e vuelo di e luna aki, genera den algun ingresonan traves un programa di NASA.

Virgin Galactic tambe a avansa den un segundo nave espacial riba su pianan planifica y ta planea di lans’e durante e prome trimester di 2021, CEO Michael Colglazier a bisa den un comunicado.

LEAVE A REPLY

Please enter your comment!
Please enter your name here