(AP) — E volcan Kilauea di Hawaii a cuminsa erupta atrobe na diamars, tirando lava 100 meter den e aire for di e habrida di su cumbre.
Ta e di 32 biaha cu e volcan a libera piedra desde december, ora su erupcion actual a cuminsa. Te awor, tur e lava for di e erupcion aki a keda contene den e buraco di cumbre aden di Parke Nacional di Volcannan di Hawaii.
Lava a surgi for di e entrada nort den habrida Halemaumau despues di media anochi. E entrada a cuminsa dispara fuente di lava na 6:35am., segun e Servicio Geologico di Merca. Pa merdia, tabata tambe haci erupcion for di un entrada sur di e buraco y un di tres entrada entre medio.
Kilauea ta un di e volcannan mas activo di mundo. E ta situa na Isla di Hawaii, e mas grandi di e archipielago Hawaiano. E ta aproximadamente 320 kilometer sur di e stad mas grandi di e estado, Honolulu, cu ta na Oahu.
