Cuminsando e siman aki, bo por vota pa cua organisacion social ta merece un Appeltje van Oranje. Dies organisacion for di e parti Caribense di reino ta riba lista di candidatonan. Esey ta organisacionnan activo na Curaçao, Aruba, Sint Maarten y Saba. Bo por vota te dia 28 di mei via stem.oranjefonds.nl, unda bo por wak un lista completo di tur candidatonan.

Oranje Fonds ta premia tres Appeltjes van Oranje tur aña na organisacionnan social cu ta haci diferencia pa otro hende.

Loke no por falta

E tema di e edicion aki di Appeltjes van Oranje ta: Onmisbare Schakels (Loke no por falta). Organisacionnan cu ta indispensable den nan bario, ciudad of comunidad por a registra nan mes. Oranje Fonds ta busca organisacionnan cu ta mira unda tin falta, unda algo ta falta den e comunidad, y cu ta bin cu un solucion. Esaki ta e motibo pa cual nan ta indispensable: pa esnan cu nan ta yuda, pero tambe pa gobierno y partnernan cu cual nan ta traha hunto cu. Nan a forma un brug entre municipionan, centronan di cuido, otro organisacionnan di boluntario y e hende cu tin mester di nan sosten, pa asina logra mas impacto.

Stemtiendaagse y dia di presentacion

Via e website special di votacion, tur hende den reino por vota pa un di e cincuenta candidato. E pueblo mes ta dicidi cua organisacion cu mas voto ta pasa directo como nomina. E otro candidatonan lo presenta nan mes na otro y na un hurado durante un pitchdag (dia di presentacion) den luna juni. E hurado lo eligi e otro nuebe organisacionnan pa un nominacion. For di e 10 nominado, tres lo ricibi un Appeltje van Oranje den october.

E Appeltjes van Oranje

Oranje Fonds ta duna Appeltjes van Oranje, e premio pa iniciativanan cu ta haci diferencia den sociedad, tur aña. E premio ta honra tres proyecto cu ta traha pa un sociedad inclusivo y comprometi. Iniciativanan cu ta unico, creativo y cu tin balor, y cu ta activo pa minimo dos aña, por participa. Un Appeltje van Oranje ta duna e organisacion aprecio pa nan trabou. E tema ta cambia tur aña.

E premio ta consisti di un trofeo di brons diseña y traha pa princes Beatrix, y un suma di 25.000 euro. E placa por wordo usa libremente pa logra e meta di e proyecto. Tur aña, Reina Máxima ta entrega e tres Appeltjes van Oranje na Paleis Noordeinde. Mas informacion: www.oranjefonds.nl/appeltjes

Potret di Oranje Fonds.