WILLEMSTAD – Un cargamento basta formal di calco a keda confisca pa asina por haci investigashon; principalmente riba e pago di impuesto.
Ayera den oranan di mainta, warda costa a guia un boto di piscado drenta haf cune y a bay mara esaki na altura di e oficinanan di Duana na Skalo pa asina por a cuminsa cu un investigacion. Mesora e personal di Duana a yega na e boto di piscado y por a tuma nota cu a confisca e cargamento di calco cu tabatin riba e boto.
Ta conoci cu ultimamente un cantidad di boto ta bay Aves bay busca pisca bay Corsou cune pa asina esakinan wordu rebende. Pero ta masha poco di esakinan ta pasa via di Duana ya asina por registra e cargamento di sea pisca of calco, ya cu tin cu paga impuesto riba esakinan.
