Den oranan di diadomingo marduga, centro maritimo operacional di Wardacosta a ricibi un notificacion relaciona cu un boto posiblemente perdi riba lama. Ta trata di un boto di pesca deportivo cu a sali diasabra mainta for di Aruba.
E boto mester a bin back diasabra prome cu solo a baha. Un total di 4 piscado local ta abordo di e boto. Mesora, den oranan di marduga, a manda un patruya di Metal Shark lama y conhuntamente a manda e helicopter y avion di Wardacosta pa tambe yuda cu e buskeda. Personal di centro operacional maritimo tambe a manda un mensahe pidiendo tur boto den bisindario pa ta na altura di e situacion y pa posiblemente yuda busca.
Diadomingo mainta asina solo a sali, a continua cu e buskeda. Wardacosta a informa cu no a logra ubica e boto perdi, y awe dialuna e buskeda lo continua.
