E barco crucero Seabourn Odyssey cu tabata nabega den bisindario di Colombia a capta un ‘may call’ di un boto di piscado riba lama grandi. E boto di piscado a bulto y su tripulacion tabata tin mester di yudansa urgente.
E barco crucero a meld e centro di Rescate y Coordinacion di Wardacosta di e rescate cu nan ta bay haci. Mesora Seabourn Odyssey a cambia direccion pa bay rescata e tres hombernan riba lama. Wardacosta su centro di Rescate y Coordinacion ta responsabel pa un area (search and rescue area) inmenso den lamanan den Caribe, pa e motibo aki RCC a coordina e rescate hunto cu e barco crucero.
Despues cu e tres personanan a ser rescata riba lama e barco a trece nan Corsou como cu e isla tabata nan ‘next port of call’. Un team di Metal Shark, consistiendo di personal di Wardacosta hunto cu Militarnan a bay busca e personanan na e barco crucero y trece nan tera. E tres hombernan a ser entrega na autoridadnan local pa por sigui atende e caso.
