(AP) — Telescop Espacial Webb a haya un luna chikito nobo cu ta orbita Urano. E miembro nobo di e grupo lunar, cu NASA a anuncia na diamars, ta parce solamente 10 kilometer di hancho. E telescop su camara di near-infrared a wak e durante observacionnan na februari.
Cientificonan ta pensa cu el a sconde te awor—hasta a logra scapa e nave espacial Voyager 2 durante su bishita ora el a pasa cerca mas o menos 40 aña pasa—debi na su debilidad y su tamaño chikito.
Urano tin 28 luna conoci cu tin nomber di personahe di Shakespeare y Alexander Pope. Mas o menos mita di nan ta mas chikito y ta orbita e planeta na un distancia mas cerca. E luna nobo, cu ainda no tin nomber, ta subi e total number di luna di e planeta pa 29.
E adicion nobo por indica cu tin mas lunanan chikito cu ta sperando pa ser haya rond di Urano, segun e cientifico planetario Matthew Tiscareno di e Instituto SETI, cu tabatin parti den e descubrimento.
“Ta probable cu tin hopi mas di nan y nos simplemente mester continua busca,” Tiscareno a bisa.
