(NLTimes)—Lider di PVV Geert Wilders a confirma diaranson cu e lo retira for di e carera pa bira e proximo prome minister di Hulanda. Den un mensahe publica riba red social, e lider di PVV a confirma reportahe di NOS y RTL Nieuws, como tambe De Telegraaf.

“Mi por bira prome minister solamente si TUR partido den coalicion ta apoya esaki. Esey no ta e caso,” el a skirbi riba X. “Mi kier un gabinete derechista. Menos asilo y inmigracion. Hende Hulandes prome,” el a continua. “E amor pa mi pais y votadonan ta grandi y mas importante cu mi mesun posicion.”

Wilders a pasa algun luna ta trahando cu e lidernan di VVD, NSC y BBB pa forma un gobierno. E lidernan di e tres partidonan aki a tuma un posicion firme e siman aki, bisando cu e unico manera cu nan lo ta dispuesto pa continua cu e discusionnan di formacion ta si tur cuatro lider acorda pa no tuma un asiento den e gabinete, NOS a reporta.

Un nomber cu a ser menciona como posibel prome minister ta Kim Putters, e politico di Labor actualmente liderando e discusionnan entre e partidonan. Ademas, algun a menciona Ronald Plasterk, un ex-politico di Labor cu a lidera e ultimo ronda di discusion. Otronan tambe kier mira Johan Remkes den e rol. El a lider discusionnan pa e formacion di e di cuatro gabinete di Mark Rutte, pero a bisa caba cu e tabata desapunta den retorico for di e partidonan actual pleitando cu otro.

De Telegraaf a reporta cu ningun di e cuatro lidernan envolvi den e discusionnan lo drenta e gabinete. Un di e cuatro, solamente Dilan Yeşilgöz tin experencia den gabinete. Actualmente e ta e minister demisionario di Husticia y Siguridad, tumando e rol na comienso di e di cuatro gabinete di prome minister Mark Rutte dia 10 di januari 2022. Pa shete luna anterior, e tabata e secretaria di estado pa Asuntonan Economico y Clima.

Si e cuatro partido forma un gabinete, Yeşilgöz mester regresa na Tweede Kamer. Eynan e lidernan di PVV, NSC y BBB lo uni cune. Den e manera aki, ta anticipa cu e cuatro partidonan lo cuminsa negocia e terminonan pa un gabinete extra-parlamentario, segun fuentenan pa ambos media a bisa. Putters a bisa caba cu e cuatro partidonan tabata prepara pa drenta e proximo fase di negociacion. E lo revela tur detaye tocante e status actual di e discusionnan den un rapport manda pa parlamento awe.

E lidernan di partido lo mester dicidi despues con nan lo defini un gabinete extra-parlamentario den e caso aki, y na ki extento e minister- y secretarionan di estado lo bin pafo di politico. E expectativa ta cu nan lo traha hunto pa crea un acuerdo di coalicion conciso, al contrario di e acuerdonan di coalicion di e gabinete mayoria den pasado. E ultimo tres acuerdo tabatin un averahe di 67 pagina cada un.

Den e manera aki, Tweede Kamer lo tin mas influencia riba e agenda y posicion di gobierno nacional. Mientras cu e cuatro partidonan ta forma un mayoria den Tweede Kamer, tin un division entre nan riba hopi asunto. PVV tin 37 asiento despues di e eleccion den november, VVD tin 24, NSC tin 20 y BBB tin 7, cual ta trece nan total na 88 di e 150 asiento.

Pero BBB ta e partido mas grandi den Eerste Kamer, e senado Hulandes, cu 16 asiento. VVD tin 10, PVV 4 cuatro NSC no tin asiento, pasobra a forma e partido aki despues di e eleccionnan provincial cu a resulta den e composicion actual di e senado. Esey ta duna nan coalicion solamente 30 di e 75 asiento, cual ta nifica cu nan lo mester apoyo for di al menos un partido mas pa aproba legislacion.

Cu su duda pa traha cu Wilders despues di varios aña di declaracionnan ultra-derechista, Omtzigt tabata e prome pa propone un gabinete extra-parlamentario. Pa acorda na esaki tabata e unico manera pa mantene tur cuatro partido sinta na mesa y trahando hunto, segun De Telegraaf.