ORANJESTAD – Diasabra mainta a tuma luga e di 59 edicion di e Aruba Int’l Boulevard Race. Aki ta unda cu mas cu 550 coredo a participa na e evento.
A pesar di e biento fuerte y e calor, e participantenan na e careda di mas bieu na Aruba a disfruta di esaki mirando e cantidad grandi di mirones bandi caminda. Riba henter e ruta por a presencia hende cu a bini y apoya e demas coredonan.
Tambe e tres hoben e Boulevard Race tabata nan prome experencia. Un bunita recuerdo nan lo keda di e careda mas prestigioso na Aruba. No por keda sin menciona e bunita gesto di nos coredonan Willy Hernandez, Marcio Lopes Ribeiro y Jhonathan Kock cu a pusha e tres personanan aki den rolstoel e recorido di 10km y pone Richi, Leoni y Divianne biba un momento di alegria cu hopi emocion.
E finish sigur tabata tin hopi hende para cual sin duda tabata un extra apoyo pa e participantenan pa caba nan careda den gran forma. E Colombiano, William Diaz cu luna pasa a gana e Half Marathon a bolbe triunfa mescos tambe ta conta pa Lana Gobert cu a triunfa den e ramo femenino, por cierto Lana tambe a gana e Half Marathon. Na final a haci entrega di e premionan na e respectivo ganadonan.
