Wikipedia riba Aruba WoA ta un proyecto piloto cu a inicia na cuminsamento di 2025, cu apoyo di Wikimedia Nederland partnersnan local consistiendo di Archivo Nacional, Biblioteca Nacional di Aruba, UNOCA y Stichting Monumentenfonds Aruba cu e meta pa sostene e comunidad boluntario cu ta usa plataformanan di Wikimedia.
Wikipedia ta e plataforma mas conoci bou di Wikimedia Foundation y ta ser maneha completamente pa boluntarionan cu ta haci editacion, coreccion, agrega informacion visual y audiovisual hopi mas. PAP-Wikipedia ta existi desde 2006, cu articulonan enciclopedico na PapiamentO/U. E pagina aki ta carga tur dos variante di nos lenguahe crioyo cu ta ser papia riba e Islanan ABC. Riba 27 di November 2025, PAP-Wikipedia a yega su 5000 articulo na Papiamento.
Trabounan realisa
Desde inicio di e proyecto mensualmente a organisa tayernan educativo pa siña boluntarionan nobo con pa aporta na Wikipedia, Wikidata of Wikimedia Commons. E tres plataformanan aki ta complementa otro pa asina haci conocemento di Aruba mas accesibel pa mundo henter. Despues di un intercambio na Hulanda na Februari e team di WoA a completa curso di (train the trainer) di Wikimedia Education Foundation, atende Wikiconference North America na october y tabata e orador principal pa WikiconNL unda a comparti informacion riba e desaroyo di e proyecto. WoA a uni cu Stichting Monumentenfonds Aruba pa realisa Wikiloves Monuments Aruba, 2025 cu a resulta den un coleccion di 154 potret nobo di nos monumentonan na Aruba accessible via Wikimedia commons bou di un licencia liber.
Dashboard ta un plataforma cu ta colecta tur dato relaciona cu e trabounan realisa pa e team di WoA. Data ta indica cu mas cu 1000 potret a ser agrega na Wikimedia Commons, 69 articulo nobo a ser crea, 339 referencia nobo a ser añadi y 6.75 mil editacion a ser realisa. Pa un resumen completo por bishita e pagina di dashboard cu ta accesibel pa tur hende pa medio di e link akibou: https://outreachdashboard.wmflabs.org/courses/Wikimedia_Nederland/Wikipedia_on_Aruba _-_Wikimedians_in_Residence
Clausura di aña 2025
Dia 8 di december WoA ta clausura aña cu Ban Wiki! Cu lo enfoca riba uso di Wikipedia. E tema ta toca Arte y Folklore di Aruba, lo haci uso di coleccion di UNOCA pa haya inspiracion y uso di referencia. E tayer ta tuma lugar na Scol di Arte na San Nicolas di 5or pa 7or di anochi. Ta invita pa esnan interesa usa e oportunidad aki pa trece bo preguntanan dilanti. Trece bo laptop, tablet of telefon pa participa activamente. Participacion ta gratis. Registra bo participacion medio di e formulario di registracion. Pa e programa completo por bishita nos pagina di proyecto: www.wikipediaonaruba.org of RSVP: +297 699-3032 / +297 699-3034.
Potret di Scol di Arte.
Mas potret di actividadnan realisa pa WoA por haya aki:
https://commons.wikimedia.org/wiki/Category:Wikipedia_on_Aruba_activities
Bista di Dashboard WoA – 1-12-2025
Fuente:
