Recientemente un ciudadano a comparti un observacion cu Redaccion di Bon Dia Aruba. Riba potret comparti pa e lector por observa un hijskraan cu ta poni band’i caminda, den un situacion cu ta laga e haak keda como un peliger pa trafico.
E ciudadano preocupa a nota cu pa basta tempo e hijskraan ta poni na e mesun lugar band’i caminda, pero loke ta crea peliger ta cu e haak ta mara cu un cabuya, cu si esaki kibra y e haak los, e lo por dal directamente riba trafico biniendo riba e caminda. Pio ainda cu ya e hijskraan ta poni eynan pa varios dia, y ningun autoridad ni e doño responsable ta atende pa preveni cu algo teribel por sucede.
E ciudadano a urgi pa tur hende actua di manera civil, social y responsable, y preveni accidente. Alabes, pa autoridadnan ta alerta y atende situacionnan asina.
