(AP) – E aña aki WrestleMania ta dianan atras, sinembargo WWE su campaña di marketing pa su evento mas grandi a cuminsa algun luna atras. Den februari, 3 dia prome cu Super Bowl, cu tur wowo riba Las Vegas, WWE a purba tuma un poco di e atencion di NFL pa su mes.
E compania di entretenimento di deporte a tene un conferencia di prensa na Las Vegas na T-Mobile Arena, net riba e caya di unda e stadion unda Super Bowl tabata organisa, pa promove WrestleMania XL, un evento di dos dia cu lo tuma luga na Phialdelphia cu lo cuminsa diasabra.
El a informa cu lo tin aparencia di celebridadnan grandi manera Cody Rhodes y Dwayne “The Rock” Johnson, ken receintemente a bira miembro di directiva di e compania doño di WWE, TKO Group. E evento gratis, cual lo ser pasa live riba Peacock, tabata un intento di hala atencion di e miles di fanatico den e bario y posibel audiencia.
Miles a presenta pa e evento cual no a inclui nada di wrestling, sinembargo The Rock a duna un cachetada na Rhodes, cual a genera 15.7 miyon bista den tur plataforma di rednan social di WWE den menos di 12 ora. Mas di 4.7 miyon persona a mira e evento live, cual a haci esaki e evento fuera di ring mas mira den e historia di WWE, segun e compania. E conferencia di prensa tabatin mas di 100 miyon bista den menos di 12 ora.
WWE a publica su video di WrestleMania xL riba e dia di Super Bowl. E video aki a genera mas di 5 miyon bista riba WWE su cuenta riba e plataforma X.
Jason Cielsak a bisa cu e manera cu WWE ta crea su marketing pa WWE ta haci e fanaticonan emociona pa un evento unda varios di e storianan cu ta evoluciona durante e aña ta resolvi den e ring. “E ta un les di master den marketing cu ta basa riba conta storia y drama cu varios di e liga deportivo y te hasta escritornan di television por siña for di dje,” Cielsak a bisa.
