Cuerpo Policial di Aruba ta informa comunidad riba e numbernan directo pa drenta den contacto cu nan. Akinan por lesa e relato di prensa completo:
Pa por brinda siguridad na nos comunidad, Cuerpo Policial Aruba kier ta sigur cu pueblo ta consciente di e numbernan directo pa drenta den contacto cu nan. Ta haci un apelacion pa laga number 100 solamente pa casonan di emergencia. Den caso di accidente cu no tin herido, ta corda chauffeurnan cu mester yama nan compania di seguro pa atende e caso.
Pa esunnan cu mester yama Warda di Polis Oranjestad, por bel na 5273140, pa Polisnan na Warda di San Nicolas por bel e number 104 y ta haya contacto directo cu nan. Den caso cu mester tuma contacto cu Warda di Polis Santa Cruz, por bel 105 y den caso cu mester di Polisnan na Warda di Polis di Noord mester yama 107. E numbernan cortico aki ta pa facilita e comunidad pa drenta den contacto cu Polis mas facil y lihe.
Cuerpo Policial Aruba ta desea henter comunidad feliz dianan di fiesta. Mirando e weekend largo di Pasco, lo tin extra Polis disponibel patruyando y garantisando orden publico riba nos isla.
