Parlamentario Setty Yarzagaray (MEP) ta haya cu e aña aki sigur turismo ta sufriendo su caida. El a trece dilanti cu te cu october ultimo te cu e siman aki cantidad di turista a experiencia un caida di 5%.
P’esey e ta felicita e ruta nobo cu e compania Aruba Airline a habri pa Bonaire cu conexion tambe cu Corsou. El a indica cu e isla ruman di Corsou tambe a experiencia un caida cu 24% y Bonaire cu a cay cu 18%.
Pa parlamentario Yarzagaray, e tipo di iniciativa pa reanuda vuelonan pa e dos isla aki di reino Hulandes, ta sumamente importante. No solamente pa Aruba por logra bek un resultado positivo den cantidad di turista y su aporte pa cu economia di Aruba. El a referi cu den nan programa di gobernacion den coalicion (MEP-POR-RED), tin esfuersonan cu ta indica cu nos mester diversifica. Un idea cu e ta pensa riba dje ta cu Aruba riba su mes ta un isla asina chikito y compara cu pais grandi, nos a marca un diferencia contrario na otro isla di Caribe mas grandi cu nos.
Durante un bishita cu un delegacion parlamentario a haci na Aruba conhuntamente cu esunnan di miembronan di parlamento nan a toca ta esun di fortalece nos relacion como islanan chikito y ruman. Asina conhuntamente nos por ofrece un producto diversifica. Cada un di e islanan aki tin su actividad y producto pa ofrece, pero e ta haya cu nan mester complementa otro.
P’esey e ta haya importante pa por yega na iniciativa unda nos por ofrece un pakete total pa medio di compania aereo manera Aruba Airlines pa cada isla amplia nan producto turistico pa medio di aliansa cu e otro islanan.
