img_1443311380_415.jpg

ORANJESTAD –  Segun nos colaborador nan na NoticiaCla, ta hopi yamada a drenta diasabra mainta pa merdia, ora cu diferente hende a raporta di sea a scucha un zonido duro of hasta tin cu a sinti un temblamento leve. Depende for di cua bario tabata yama, e zonido tabata mas fuerte. 

EHERCICIO MILITAR

Cuerpo Policial, den estrecho cooperacion cu Servicio Meteorologico di Aruba ta aclaria cu no tabatin temblor, sino ta trata aki di ehercicionan militar tumando luga na Venezuela of den awanan teritorial Venezolano. E ehercicionan aki ta tumando luga pa algun dia caba y por spera cu lo sigui algun dia mas. Pero, dor di condicion atmosferico, nos na Aruba ta scucha e zonidonan mas fuerte cu normal.Ta p’esey, como cu no ta ningun sorto di evento sismologico, tampoco tin ningun sorto di peliger pa tsunami, manera ta insinuando via rednan social. E departamentonan di Gobierno y instancianan cu a reuni awe riba e zonidonan aki tabata Marina Real, Directie Luchtvaart, Directie Scheepvaart, Servicio Meteorologico, Cuerpo di Bombero, Havenmeester di Aruba, Guarda Costa, Rampenbestrijding y Cuerpo Policial Aruba.

LEAVE A REPLY

Please enter your comment!
Please enter your name here