(AP) – E agencia cu a distribui 350 miyon den donacion di fundador di Facebook Marck Zuckerburg na oficinanan di eleccion den aña 2020 a bisa dialuna cu nan no lo haci donacion similar e aña aki despues cu conservativonan ta sospechoso cu e contribucionnan di e gigante tecnico a cambia e resultado den e careda presidencial a fabor di Biden.

Na luga di esaki, Center for Technology and Civic Life ta lansando un programa diferente. Yama Merca su Alliance for Election Excellence, e esfuero di 80 miyon dollar pa 5 aña largo tin e intencion di crea un red pa e nacion su miles di oficialnan di eleccion local, cu por aplica pa ayudo pa mehora nan tecnologia y procesonan.

“Desafortundamente, añanan di falta di inversion ta nifica cu hopi departamento di eleccion local hopi biaha tin capacidad limita y training limita. U.S Alliance for Election Excellence ta uniendo partnernan di clase mundial pa asina e oficialnan di eleccion local no mester haci tur e proceso nan so,” Tana Epps-Johnson, CTCL su director ehecutivo a conta, ken tambe a persona cu a anuncia e programa nobo na TED2022 su conferencia.

E esfuero den ana 2020 di Zuckerberg y su casa, Priscilla Chan, entre e pandemia di COVID-19 a motiva rabia conservativo y falta di confiansa den e resultado di e eleccion presidencial. Por lo menos 8 estado cu ta controla pa GOP a aproba leynan ana pasa cu ta prohibi eleccion priva na oficianan di eleccion den reaccion na Zuckerberg su donacionnan. Sospechoso cu e contribucionnan, hopi biaha yama “Zuckerbucks”, a yuda Biden, a bira un argumento principal entre e personanan cu ta kere den President Donald Trump su comentarionan tocante e eleccion.

Varios oficial di eleccion republicano a bisa cu e programa tabata vital y a rechasa e criticanan, yamandonan teorianan.

Un vocero di Zuckerberg y chan a confirma cu e pareha no lo duna fondo na oficinanan di eleccion e aña aki. “Manera Mark y Priscilla a laga cla anteriormente, nan infrastructura di donacion pa cu eleccion ta pa yuda sigura cu Mericanonan por a sigui vota den medio di e pandemia y tabata algo cu lo tuma luga un solo biaha mirando e impacto inespera di e crisis,” Ben LaBolt a bisa. “Nan no tin plan di ripiti e donacion aki.”