Duaneronan a detene un homber (56) Chines cu kier a biaha pa China cu un suma di cash di 116.510 dollar. E mes a declara e placa na duana.
Segun e relato di Ministerio Publico e pasahero a pasa na oficina di Duana pa duna cuenta di un suma di placa cu e lo biaha cu ne. Ora a atende for di unda e placa efectivo aki a bin, a surgi preguntanan cerca e duaneronan, cu a opta e ora pa envolvi e Integraal Afpakteam Aruba. Despues di evaluacion, a opta pa duana controla e pasahero aki miho.
Ora a conta e placa, a resulta cu ta un suma grandi. Mirando e declaracion di e pasahero haci na aeropuerto, riba procedencia di e placa, a opta pa detene y entreg’e na Integraal Afpakteam bou sospecho di labamento di placa.
