Aruba – Otro siman diabierna e caso di labamento di miyones lo bin dilanti hues. E sospechosonan tabata sconde e placa den containernan cu galiña biniendo for di Hulanda.
Awor a sali na cla, segun Amigoe Aruba, cu e suma cu nan a laba, tabata hopi mas, mas cu 46 miyon florin na total. Na juni polis a detene 4 sospechoso na Aruba, Hulanda y Belgica despues un investigacion internacional. Diabierna e casonan contra dos, esta Ramon Helgers y Rupert G. lo cuminsa. Husticia ta sospecha nan di labamento den 3 pais di 2013 pa 2015. Nan tabata trafica e placa di Hulanda pa Aruba pa yega Venezuela finalmente. Helgers ta un comerciante conoci na Aruba; e ta un di e doñonan di e restaurant popular, Madame Jeanette.
