(El Espectador) – Diamars 14 di maart den oranan di anochi a registra un explosion di gas den por lo menos 3 mina di carbon na Sutatusa, Cundinamarca. Na e luga e yega bomberonan di otro regionnan pa realisa labornan di rescate, te ayera tabatin 11 morto y 17 persona cu a keda trapa.
Den oranan di marduga Gobernacion di Cundinamarca a confirma cu tabata seis e minero morto pa via di explosion, sinembargo, oranan despues a confirma cu tabata 11 persona sin bida, di e cual nan a logra saca cuater curpa.
Ayera 15 di maart e capitan di bombero Alvaro Farfan a confirma cu e minanan tabata yen di gas metano y polvo di carbon, loke a provoca e explosion.
“E cinco mina aki ta comunica cu otro y tabatin un reaccion den cadena. A genera e explosion den un mina y despues den e otro cuatro,” Farfan a sigura.
Gobernacion di Cundinamarca tambe a anuncia e instalacion di un Puesto di Mando Unifica, asina mes e activacion di Unidad di Operacion Special y Emergencia y di Cuerpo Regulador di Urgencia y Emergencia.
Den e punto tambe tabatin personal di salbamento minero di Agencia Nacional di Mineria.
Den oranan di anochi di 14 di maart ultimo, cerca di 8:30pm a registra un explosion na momento cu e mineronan tabata haci cambio di turno
