123 militar deteni na Venezuela desde cu ola di protesta a cuminsa

 

Como 123 miembro di forsa arma di Venezuela a keda deteni desde cu protesta anti-gobierno a cuminsa na luna di april. Funcionarionan militar a keda deteni bao acusacion manera traicion, rebelion, ladronicia y desercion, un documento militar a splica.

E lista di militar deteni ta inclui oficial y militar di posicion mas abao di ehercito, marina, forsa aereo y guardia nacional. Den e lista por mira e imagen mas cla di mal contento y disidencia cu ta reina den henter forsa militar, cu ta conta cu 150 mil homber. E registro ta mustra cu e presonan deteni den tres prizon Venezolano. Desde luna di april como 30 miembro di forsa militar a wordo deteni pa motibo cu nan a dicidi di bandona nan posicion y otro 40 mas cu a keda deteni pa delito di rebelion, traicion of incumplimento di orden di nan superiornan.  Mayoria di e presonan militar cu no ta den e categoria aki a ser castiga pa delito di ladronicia. Meymey di un grave crisis economico, miyones di Venezolano ta sufri escasez di alimento y un inflacion hopi halto. Incluso e salario di forsa arma  ta cuminsa cu un salario minimo, cu ta 12,5 dollar pa luna, segun conversion ekivalente di mercado preto. Algun militar a acepta den conversacion  priva cu nan ta mal paga y mal alimenta. Desde cu oposicion a cuminsa cu protesta pa mas di 3 luna caba, hopi funcionario di seguridad a mustra den publico nan mal contento.

You May Also Like

425 stranhero deporta di Panama entre januari y mei

Autoridad di Panama a deporta of expulsa 425 stranhero entre  januari y mei cu ...

Venezuela a keda sin placa pa paga cuminda

Delcy Rodríguez, presidente di Asamblea Nacional Constituyente di Venezuela a bisa cu Venezuela no ...

Colombia: Atake di ELN cu explosivo ta laga cinco militar morto

(ElTiempo) – Un atake cu explosivo contra un caravana militar a laga un saldo ...

Venezuela: Guardia Nacional a purba para caravana di Guaido

Efectivonan di Guardia Nacional Bolivariano (GNB) a blokea paso di e caravana di diputadonan ...

Operado financiero di Cartel di Sinaloa deteni riba solicitud di Merca

Un homber cu ta e operador financiero di  cartel di Sinaloa, organisacion cu tabata ...

Tribunal a manda un pastor pa prizon cu a asesina su ayudante

Un tribunal di provincia di Santo Domingo – Republica Dominicana,  a dicta un condena ...