Segun resumen di ayera di Departamento di Salubridad Publico DVG, ayera tabatin 14 caso nobo di Covid-19, di cual 5 persona no ta residente.
Ademas, DVG a informa cu 12 persona a recupera, pa loke e cantidad di caso activo ayera tabata 71.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 467 test, y cu esaki, e tasa di positividad (‘Positivity rate’) entre nos residentenan ta 8%.
DVG tambe a informa cu e cantidad di fayecido relaciona cu Covid-19 ta 107.
Pa loke ta trata vacunacion, DVG a informa cu te awo, un total di 61,927 persona a vacuna na Aruba. 13, 108 persona a ricibi e prome dosis di e vacuna, mientras 48,819 persona ya a ricibi tur dos dosis. A aplica un total di 110,746 vacuna.
