140 keho relaciona cu retiro inhusto na 2016

Na aña 2016 un total di 140 keho a drenta na sindicato FTA. Vice- presidente di FTA y encarga cu e seccion di keho,  Tairone Bremo a duna un bista di e cantidad di keho cu e sindicato aki ta atendiendo. Ainda di e 140 kehonan cu a drenta e aña aki, nan ta atendiendo 49 di nan; y tin alrededor di 47 keho cu a wordo pasa pa man di nan abogadonan.

E ta splica cu nan ta defini como keho cualkier problema cu e trahado ta confronta na trabou. For di un yamada di atencion of aviso inhusto, suspension te na retiro. E aña aki nan a atende cu e tres tipo di kehonan aki, specialmente relaciona cu hopi retiro cu a caba den man di nan abogadonan pa busca algun alternativa, entre nan bay corte.

FTA ta purbando pa mehora nan servicio pa atende cu tur e kehonan cu ta drenta pa medio di automatisa e proceso. Tambe dunando formacion na nan delegadonan pa nan por atende cu e problema aki mas miho. E sindicalista Bremo ta bisa cu e realidad ta cu hopi di e problema cu ta tuma luga na pia di trabou no ta yega tog na e sindicato. Eventualmente e tin di haber cu falta di comunicacion of e cultura di miedo cu lastimamente ta reina hopi den ambiente laboral.

Un problema cu nan ta confronta tin di haber cu Riu hotel cu nan abogado ta bin atendiendo y cu eventualmente lo por conclui den un accion di protesta, segun e sindicato aki. Sr. Bremo a indica cu ta existi un mal ambiente di trabou ya cu e trahadonan no ta contento cu loke nan ta gana y nan ta cuestiona si e compania ta pagando nan debidamente. “Nos no sa cual ta e motibo mes cu e compania mes no kier yuda pa sali for di incertidumbre aki a menos cu tin cos pa sconde.”

“E hende ta prefera guli, wanta y esey no ta na su luga.” Pa FTA atende e problemanan aki y pa nan bira menos, e trahadonan mester cumpli cu loke ta su trabou. “Pero e mester ta e prome pa stop e abuso”, asina sr. Bremo ta conclui.

You May Also Like

Turismo ta keda sufri di situacion Venezolano

Aruba Tourism Authority (ATA) a publica su cifranan nobo di turismo unda por mira ...

Dimas restructurando pa brinda un miho servicio

Departamento di Integracion, Maneho y Admision di Stranheronan (Dimas) a informa riba diferente restructuracion ...

Fundacion Elizier: cambiando bida di adictonan

Den e temporada aki nos corant ruman Aruba Today ta para keto tambe na ...

Dep higiena implementacion ley cremacion Br 2.jpg

No ta existi maneho concreto riba prohibicion di shinishi di difunto plama den sitio publico  

– Departamento di Higiena como un departamento cu ta resorta bou Departamento di Salud ...

Desiree de Sousa Croes: ‘Tin mas ley discriminatorio’

Parlamentario Desiree de Sousa Croes (AVP) ta e autor di e famoso amienda 7 ...

image.jpeg

Acto di negligencia poniendo bida di polis na peliger

Hopi biaha e casonan lamentabel ta resalta, pero e casonan di exito unda Polisnan ...