(CuraçaoChronicle) – Isla Oil Refinery a hala atencion di 15 compania di crudo cu ta dispuesto pa bolbe habri esaki. Dentro di 2 siman, e doño di e refineria, Refineria di Korsou (RdK) lo selecta e dos candidato final, despues di cual e candidato preferi lo ser scogi. Esaki ta loke Patrick Newton, director di RdK a reporta den un entrevista cu e corant Hulandes Atilliaans Dagblad.
E director tin confiansa cu e refineria finalmente lo bira operacional despues di varios intento. Su optimismo ta motiva pa cambionan geopolitico y un duracion mas cortico di e contract. Rekisito anterior di 30 aña a keda descarta pa e gobierno. RdK actualmente ta den negociacionnan cu companianan existente pa haci e trato mas atractivo pa e operadornan den futuro. “Pa medio di relaha e condicionnan, nos ta haci e trato mas atractivo. E entrada ta mas cortico y no mester compromete pa 30 aña mas. 5 of 10 aña awo ta e norma,” Newton a splica. E ta premira cu e refineria lo bolbe genera relevancia den e proximo 20 pa 30 aña a causa di e desaroyonan actual den e demanda di productonan di crudo. Newton a señala e cambionan na Merca, unda ta buscando crudo for di Venezuela, indicando cu posiblemente lo cuminsa alivia sancionnan.
E buskeda pa un partner confiabel a comproba di ta un proceso compleho pa RdK, cual ta doño di e facilidadnan di petroleo riba e isla desde aña 2013. “E no ta facil, pero mi ta kere den esaki firmemente,” Newton a enfatisa.
E inicio di e actividadnan di e refineria lo tuma luga den 3 fase. Prome, RdK lo cuminsa cu actividadnan di compania Mericano Global Oil, specialisa den produccion di asfalt pa e mercado Mericano. E escogencia di gas di propaan na luga di asfalt pa e procesonan tambe lo cumpli cu rekisitonan ambiental y lo ta operacional hopi mas lihe. Actualmente ta den un proceso di seleccion pa e fase dos y tres di e refineria.
