Diadomingo merida a drenta informe di cu 2 persona a bira hopi malo den e warehouse di Marriott Hotel haciendo esaki limpi, mesora a dirigi tanto polis, ambulance y tambe bombero na e sitio.
Na yegada di e ambulance a resulta cu e trahadonan tabata haci e warehouse limpi den e area full sera cu un pressure washer di gasolin y esaki tabata emiti monoxido di carbono cual ta venenoso pa un ser humano. Na yegada di bombero a midi esaki na mas di 2000ppm cual ta hopi y como e luga tabata full cera nan a intoxica nan mes y causa daño na nan mes.
Polis a tene a area cera mientras ambulance a bay cu 2 victima un di 20 aña y e otro di 51 aña.
Ambos a ser hiba cu urgencia pa hospital un mas grave cu e otro.
