Escandalo di webo contamina: 700,000 distribui na UK

Mas o menos 700,000 webo a wordo manda pa UK cu a sali for di Hulanda cu un estimacion di 21,000 cu ta posiblemente contamina. Food Standards Agency (FSA) a bisa cu esaki ta representa 0.007% di webonan consumi den UK tur aña y cu cualkier riesgo na salud publico ta hopi abao. Sin embargo, 13 producto cu ta contene webo a wordo elimina for di supermercadonan rond Europa. Polisnan Hulandes a caba di detene dos persona sospecha di uza e insecticide Fipronil.

Heather Hancock, vocero di FSA ta laga sa cu “no mester preocupa” y cu “cualkier impacto riba salud publico ta hopi abao pasobra esakinan no ta e webonan cu ta den e hogarnan di hende na UK.” Esaki ta webonan cu ta bay directamente na companianan di cuminda. FSA ta laga sa cu mientras cu na algun pais Europeo, webonan cu ta contene Fipronil a wordo bendi manera webonan fresco, den UK esaki no ta e caso. Supermercadonan na Alemania a elimina webonan for di nan shelf manera un “acto di cautela”. Door cu segun FSA, webonan cu ta bendi na tiendanan den UK ta di Britania, e webonan contamina ta bini for di Hulanda.


Kico nos sa di e contaminacion?

Hulanda ta un di e productornan di webo mas grandi na Europa, como tambe un di e exportadornan di mas grandi di webo y productonan di webo na mundo.
FSA a bisa cu den UK, e webonan Hulandes no ta wordo bendi manera webonan fresco pero mastanto wordo uza cu otro ingredientenan – pa traha sandwich y otro tipo di cuminda. Nan ta laga sa cu restonan di Fipronil – cual por ta dañino na curpa humano – a mix cu otro webonan pues e residuo di e kimico lo ta “hopi menos”.

Sin embargo supermercadonan na Belgium, Hulanda y Alemania a elimina miyones di webo for di benta. Tin awor un investigacion andando y mas cu 100 cunucu (Chicken Farms) a wordo cera, cu 26 sospechoso identifica anto confiscacion di evidencia for di nan companianan.

You May Also Like

Tension na Ecuador pa resultado di eleccion

Tension politico ta continua diamars na Ecuador, cu sentimento di incertidumbre tocante resultado di eleccion ...

Grupo di peuters a bira “fugutivo”; Daycare a perde licencia pa opera

Un daycare na e estado Mericano di Louisiana a perde licencia pa opera despues ...

Trahador di mina La Escondida a acepta solucion pa conflicto

Sindicato di Trahador di mina La Escondida, cu tabata den huelga desde 9 di februari ...

Facebook a ignora problema di gasto di muchanan

Un cantidad di documentonan interno a revela con Facebook tabata preocupa cu muchanan tabata ...

Kanye West kier postula pa president

E rapero americano Kanye West a bisa cu e kier postula pa president di ...